羅嘉良

羅嘉良

羅嘉良（1962年12月16日－），原名羅浩良，人稱「撈家」，籍貫廣東東莞，生於香港，香港演員。

羅嘉良於1984年參加無線電視新秀歌唱大賽，得填詞人盧國沾賞識而加入演藝界，1986年成為無線合約藝員，直到1996年憑無線出品的電視連續劇《天地男兒》而聲名大噪。

1997年主演《難兄難弟》將他的事業推上高峰，殿定他於當時在該電視台的一哥藝員地位。

1998年被無線派到北極拍攝探險節目，成為焦點人物。

羅嘉良是首位亦是現時唯一三度得到無線《萬千星輝賀台慶》中的最佳男主角大獎的演員：難兄難弟（1997年）／天地豪情（1998年）／流金歲月（2002年）。曾發行唱片，但反應平平。

於2003年離開無線電視，曾進軍電影界。現主力在中國內地拍電視劇。

羅嘉良與太太方敏宜拍拖16年，在1998年正式結婚，但在2007年分居，翌年離婚。

2007年重返無線電視，於七月下旬擔任《志雲飯局》嘉賓時承認將於十一月接拍四十集長劇《金錢誘罪》監製為梁家樹。

現年46歲羅嘉良前年同34歲內地女星蘇岩合作拍劇結緣，舊年7月佢宣佈同老婆方敏宜離婚，日前佢更傳出喜訊，年初五（上週五）嘉良同蘇岩更即興訂婚，年底就拉埋天窗，婚後會留北京居住。

噚日準新郎嘉良返將軍澳電視廣播城拍《金錢誘罪》時，袁詠儀（靚靚）同馬德鐘一見佢就即刻上前恭喜，靚靚話： 「唔怪得之成日靜雞雞行埋一邊講電話啦，之前問使唔使畀利是你，你又唔出聲！ 」

一面甜絲絲嘉良話： 「我一向好低調，如果唔係傳媒收到風問我都唔會講，咁係開心事，問到咪認！我係拍拖一段時間。先訂婚後結婚，係因為覺得訂婚好浪漫，家諗緊可能會北京擺酒，等拍埋呢套劇，我就會搬返去北京住。」